Na vychodnych u Varšavie pafatahrafavaŭ ceńniki. Kab pahladzieć, ci šmat jašče našym praduktam daražeć da susiedskich.
Filejnyja častki za 14,99 złotych. Šyjny zarez — samaje darahoje, što tam było — pa 18,59 złotych.
Na biełaruskija — 41 970 i 52 050 rubloŭ. Daŭno ŭ kramach byli?
U minskaj kramie «Hurman» miasa dla eskałopaŭ (jano ž palandvica) kaštuje pahladzicie kolki — na 24 tysiačy daražej za varšaŭskaje.
Samaje tannaje miasa, jakoje ja bačyŭ u varšaŭskaj kramie, kaštuje 10,99 złotych. Heta 30 770 rubloŭ našych.
Pavodle dadzienych Biełstata siaredniaja cana miasa sacyjalnaj śvininy (tam tak i napisana: akramia miasa biez kaściej) — 29 566 rubloŭ. U handlovym centry «Stalica» ŭ Radziviłaŭskim hetaje miasa ŭ prodažy jość, kaštuje 29 tysiač.
A va ŭniviersamie «Centralny» znojdzienaja śvinina za… 102 tysiačy. Pryčym, supiermiasa zamarožanaje, a pasprabuj pradaj pa takoj canie śviežaje.
Polskija jabłyki ŭ nas kaštujuć ad 14 tysiač rubloŭ. Biełaruskija jabłyki ŭ kramach pradajucca ad 11 tysiač. Naš Biełstat ličyć, što siaredniaja cana jabłyk 6 770 rub za kiło.
U Varšavie jabłyki pa 2,79 złotych. Na biełaruskija hrošy heta 7 800. Heta trochi daražej, čym kuplaje naš Biełstat, na 3 tysiačy tańniej, čym kaštujuć jabłyki ajčynnyja ŭ kramach horada Minska.
Avakada ŭ Varšavie kaštuje 3,29 złotych štuka (9 220 rubloŭ). U Minsku ŭ mianie zavažyŭ na 13 710.
Banany byli na źnižcy pa 2,59 złotych (7 250 rubloŭ). Tut baču pa 11 tysiač, ale heta ž bieź źnižki.
Bulba zatoje na 500 rubloŭ tańniej u nas!!!
Na siaredniebiełaruski zarobak 2 miljony 260 tysiač rubloŭ biełarus kuplaje 78 (!) kiło śvininy z kostkaj. Palak na siaredniuju zarpłatu 3581 złoty kuplaje 238 kiło palandvičnaj častki.
Nu, raści jašče našym cenam da susiednich, aha…
