Cichanoŭskaja pavinšavała Ukrainu ź pieramohaj u «Jeŭrabačańni»
Śviatłana Cichanoŭskaja pavinšavała Ukrainu i hurt Kalush Orchestra ź pieramohaj u «Jeŭrabačańni».
«Vystupleńnie Ukrainy siońnia kranuła majo serca: nie tolki sama pieśnia, ale i toje, što navat padčas strašnaj vajny ŭ svajoj krainie hetyja ludzi zachoŭvajuć zdolnaść da tvorčaści, pakazvajuć usiamu śvietu nie tolki siłu, ale i pryhažość svajoj nacyi, — napisała Śviatłana Cichanoŭskaja.
— Ja ŭpeŭniena, što ŭvieś śviet siońnia za Ukrainu, jak i biełarusy. Ja vinšuju Ukrainu z hetaj pieramohaj i vieru ŭ toje, što dalej na vašym šlachu adbudziecca najvažniejšaja pieramoha, jakoj vam, darahija ŭkraincy, taksama zyčym usie my», — skazała lidarka demakratyčnaj Biełarusi.
Vinšavańni Ukrainie z nahody pieramohi vykazali taksama premjer-ministr Vialikabrytanii Borys Džonsan, kiraŭnica Jeŭrakamisii Ursuła fon de Lajen, staršynia Jeŭrapiejskaj rady Šarl Mišel. Apošni ŭ svaim tvicie pracytavaŭ pa-ŭkrainsku radok ź pieśni: «Łomanimi dorohami prijdu ja zavždi do tiebie».
