Piaskoŭ: Dakładnych damoŭlenaściej na vyvaz ukrainskaha zbožža niama
Dakładnych damoŭlenaściej pa schiemie vyvazu ŭkrainskaha zbožža marskim šlacham niama. Pra heta paviedamiŭ pres-sakratar Kramla Dźmitryj Piaskoŭ.
«Pakul niama nijakich abrysaŭ. Jość zajavy prezidenta Pucina, jaki skazaŭ, što ŭ hetym vypadku Ukraina pavinna raźminiravać padychody da partoŭ, što dazvolić sudam paśla adpaviednaj pravierki našymi vajskoŭcami na pradmiet taho, što hetyja sudny nie zavoziać tudy zbroju, uvajści ŭ port, zahruzicca zbožžam i potym pry nieabchodnaści navat z našaj dapamohaj prajści ŭ bok mižnarodnych vod», — cytuje Piaskova «Interfaks».
Jon taksama padkreśliŭ, što Pucin abiacaŭ nie vykarystoŭvać raźminavanyja kalidory dla vajennych metaŭ.
Učora źjaviłasia infarmacyja, što Rasija i Turcyja ŭzhadnili schiemu vyvazu zbožža marskim šlacham. Adnak va Ukrainie nie paćvierdzili takija damoŭlenaści. Razam z tym prezidenty Ukrainy i Litvy Uładzimir Zialenski i Hitanas Naŭsieda vyklučyli mahčymaść pieravozki zbožža praź Biełaruś.
