Telekanał «Dožd́» atrymaŭ licenziju na viaščańnie ŭ Niderłandach
Miedyjarehulatar Niderłandaŭ vydaŭ telekanału «Dožd́» dazvoł na kamiercyjnaje televizijnaje viaščańnie. Na sajcie rehulatara paviedamlajecca, što rašeńnie pryniata 22 śniežnia 2022 hoda. ŚMI źviarnuli na heta ŭvahu tolki ciapier paśla taho, jak pra heta paviedamiŭ karespandent Łatvijskaha radyjo ŭ Brusieli Arciom Konachaŭ, piša «Mieduza».
Dazvoł na viaščańnie pad brendam «Doždia» atrymała kampanija TVR Studios B. V., paviedamlajecca na sajcie rehulatara. Łatvijskaje radyjo vykazała zdahadku, što licenzija, vierahodna, dazvolić «Doždiu» raspaŭsiudžvać svaje prahramy pa kabielnych televizijnych sietkach va ŭsich krainach Jeŭrasajuza, u tym liku i ŭ Łatvii.
Sam «Dožd́» pakul navinu nie kamientavaŭ.
6 śniežnia 2022 hoda Łatvijskaja nacyjanalnaja rada pa elektronnych ŚMI adklikała ŭ telekanała «Dožd́» licenziju na viaščańnie paśla taho, jak viadučy Alaksiej Karaścialoŭ skazaŭ u efiry, što telekanał «zmoh dapamahčy» šmatlikim rasijskim vajskoŭcam, jakija sutyknulisia z parušeńniami padčas mabilizacyi.
