U Vilni cieła pamierłaha mužčyny 10 dzion pralažała ŭ prybiralni adnoj z kram
U Vilni amal dva tydni šukali mužčynu, jaki prapaŭ bieź viestak, a znajšli ŭ zusim niečakanym miescy. Akazałasia, što cieła ŭvieś hety čas znachodziłasia ŭ prybiralni adnoj z bujnych kram niedaloka ad centra horada.
Fota ilustracyjnaje
Tak doŭha mužčynu nie mahli znajści tamu, što hetaja prybiralnia nie vykarystoŭvałasia, na joj była paznaka, što jana nie pracuje, i była naciahnutaja stop-stužka. Tamu rehularnaha ahladu jana nie prachodziła.
«Nakolki mnie viadoma, była sapsavanaja prybiralnia, a našy prybiralni praviarajucca našym źniešnim partnioram. Mahčyma, jany mahli b bolš raskazać pra hetuju padzieju», — rastłumačyła situacyju mieniedžarka pa kamunikacyjach handlovaha centra Iki na vulicy Mindoŭha, dzie zdaryłasia trahiedyja.
Vidać, čałaviek uvajšoŭ u pamiaškańnie niezaŭvažna dla inšych, a što tam ź im adbyłosia paśla — naležyć jašče vyśvietlić. Śladoŭ hvałtoŭnaj śmierci na ciele nie znajšli.
