U Minsku znoŭ zapracuje «Piasočnica». Dadaducca novyja łakacyi
Užo ŭ mai minčanam varta čakać vialikaha adkryćcia, jakoje nie abydziecca bieź viečarynki.
Fota: Piasočnica
Stryt-fud placoŭka «Piasočnica» pačynaje svoj siomy siezon na vulicy Kujbyšava ŭ Minsku. Stvaralniki abiacajuć viartańnie starych farmataŭ i novyja aktyŭnaści, piša Tochka.by.
Pieršy pracoŭny dzień prastory — 30 krasavika. Prepaci pryznačyli na 1 maja, a vialikuju viečarynku-adkryćcio na 4 maja. Dzień naradžeńnia placoŭki papiarednie zapłanavany na 28 červienia.
«Piasočnica» budzie adkryta štodnia na praciahu bolš za 4 miesiacy — da 15 vieraśnia. Čas pracy — z 12:00 da 23:00. Uvachod, jak i zaŭsiody, biaspłatny.
Arhanizatary płanujuć na hetaje leta masu maleńkich i vialikich padziej: muzyčnyja fiestyvali, tancavalnyja viečary, kinapakazy, vystupleńni dydžejaŭ, Aŭta– i fotavystavy, zaafiestyvali, majstar-kłasy, viečary nastołak, kvizy i mnohaje inšaje.
Asablivy bonus dla amataraŭ antykvaryjatu i kraftavych rečaŭ — amal kožnyja vychadnyja na ŭvachodzie budzie pracavać «Harošak Markiet».
Siarod novaha — zona kavorkinhu z haściavym internetam, niekalki stałoŭ budzie abstalavana zaradkami dla smartfonaŭ, noŭtbukaŭ i inšych hadžetaŭ. Na placoŭcy źjavicca niekalki novych zručnych i funkcyjanalnych łakacyj.
Dla hurmanaŭ na prastory budzie 15 viadomych fud-brendaŭ, u liku jakich Moriki, Monkey Gang, Pizza Yolo, Bulba Frites, Philly Cheese Steak Truck, Don Tacos, Waffles On Wheels.
Placoŭka budzie pracavać štodnia z 30 krasavika pa 15 vieraśnia, jana dastupnaja z 12:00 da 23:00. Uvachod volny.
U minułym hodzie adbyŭsia dabračynny fiestyval Fortuna Pets Festival.
Mierapryjemstva zadumvałasia dla dapamohi chatnim žyviołam i prytułkam. U pieršuju čarhu šukali novy dom bolš za 40 sabakam i 30 katam, jakich pryvieźli ŭ «Piasočnicu» znajomicca z tymi, chto daŭno maryŭ pra čaćvieranohaha siabra.
Čytajcie taksama:
