Kitajcy raspracavali apieracyjnuju sistemu «vahoj» u 10 kb
Naŭrad ci apieracyjonka stanie kankurentam Android, ale Huawei hulaje na poli Google.
Fota: Huawei
Kitajskaja kampanija Huawei pradstaviła apieracyjnuju sistemu LiteOS dla «internetu rečaŭ». Pamier u 10 kiłabajt dazvolić zapisać jaje na praktyčna lubuju pryładu.
Samaja «lohkaja» apieracyjonka śvietu pryznačanaja dla «razumnych damoŭ», aŭtamabilaŭ i nasimaj techniki. Jana budzie adkrytaj dla raspracoŭščykaŭ i dazvolić chutka stvarać svaje «razumnyja» rečy — ad «razumnych hadzińnikaŭ» da choć «razumnych imbrykaŭ».
Sistemu možna vykarystoŭvać biez kanfihuracyi IP-sietki (Zeroconf), pryłady na joj samastojna «adšukajucca» i padklučacca da inšych sistem.
Huawei pracuje z «internetam rečaŭ» taksama i ŭ bolšych maštabach: kampanija stvaraje biźnies-infrastrukturu i damaŭlajecca ab standartyzacyi novaj śfiery, zasnoŭvaje daśledčyja centry i łabaratoryi. Vidavočna, kitajcy nie chočuć zdavać rynak Apple i Google.