U 3-j minskaj balnicy žančynie rabili adnačasova try roznyja apieracyi
Niahledziačy na kavid, u 3-j haradskoj kliničnaj balnicy imia Kłumava śpiecyjalisty asvoili i paśpiachova pravodziać simultannyja apieracyi.
Simultannaja apieracyja — heta adnačasovaje vykanańnie dźviuch abo niekalkich samastojnych apieracyj pa roznych zachvorvańniach, kali rekamiendujecca apieratyŭnaje lačeńnie, raskazvaje Minzdaroŭja.
Na dumku śpiecyjalistaŭ, pieravahami simultannaj apieracyi možna nazvać — adnačasovaje praviadzieńnie lačeńnia dźviuch abo niekalkich chirurhičnych zachvorvańniaŭ, praduchileńnie prahresavańnia zachvorvańnia, skaračeńnie času znachodžańnia pacyjenta ŭ stacyjanary i nastupnaha lačeńnia, vyklučeńnie ryzyki paŭtornaha narkozu i jaho uskładnieńniaŭ.
Minzdaroŭja pryvodzić adzin z prykładaŭ takich apieracyj.
Na pačatku studzienia ŭ balnicu źviarnułasia pacyjentka z pryčyny mijomy matki vialikich pamieraŭ. Paśla daabśledavańnia było pryniataje rašeńnie ab metazhodnaści simultannaj apieracyi.
U apieracyjnaj pracavała bryhada z 11 daktaroŭ-chirurhaŭ, akušeraŭ-hiniekołahaŭ, aniestezijołahaŭ-reanimatołahaŭ, miedycynskich siaścior.
Pacyjentcy adnačasova byli vykananyja try samastojnyja apieracyi. Heta vydaleńnie žoŭcievaha puzyra, vydaleńnie matki z prydatkami i płastyka pupkovaj hryžy.
Minzdaroŭja dadaje, što paślaapieracyjny pieryjad praciakaŭ biez uskładnieńniaŭ, i pacyjentku na dziasiatyja sutki vypisali.
