U Armienii ŭviaduć dobraachvotnuju terminovuju słužbu dla žančyn
Dobraachvotnuju terminovuju słužbu dla žančyn uviaduć u najbližejšy čas. Ciapier prachodzić terminovuju słužbu ŭ vojsku abaviazany ŭsie mužčyny va ŭzroście ad 18 da 27 hadoŭ, jaje termin składaje dva hady.
Na pačatku studzienia namieśnik ministra abarony Arman Sarkisian kazaŭ ab raspracoŭcy zakonaprajekta ab pryciahnieńni žančyn na terminovuju słužbu. Namieśnik kiraŭnika viedamstva adznačaŭ, što padstavaj stała aktyŭnaść žančyn u pytańniach, źviazanych z abaronaj.
Jon adznačyŭ, što Minabarony arhanizavała dla žančyn kursy navučańnia stralbie i ich vyniki pryjemna ździvili vajskoŭcaŭ. Sarkisian padkreślivaŭ, što słužba ŭ vojsku dla žančyn budzie vyklučna dobraachvotnaj.
Dzień armii adznačajecca ŭ Armienii štohod 28 studzienia. Jon prymierkavany da daty ŭtvareńnia ŭzbrojenych sił respubliki. Sioleta adznačajecca 31-ja hadavina hetaj padziei. Śviata adznačajuć z 2001 hoda, dzień niepracoŭny.